Maxaad Ka Taqaan, Maroodiga Afrika

Maroodiga kiisa uugu dheer waxa lagu qiyaasaa 7,5 Mitir, halka kiisa uugu culusna  yahay 6 tan. Sidaan wada ogsoonay wuxuu Maroodigu leeyahay Gacan, taas oo uu u adeegsado, xidhiidh ahaan iyo inuu wax ku qabsado, ahna sankiisa. Maroodiga Afrika wuxuu leeyahay laba fool marka la barbar dhigo ka ASIA oo isagu leh mid qudha.

Koritaanka foolka Maroodigu maaha mid joogsada ilaa inta uu noolyahay Lab iyo Dheg toona.

• Is Dhex Galkooda

Maroodigu wuxuu u noolyahay qaab ka duwan sida xayawaanka kale, tusaale ahaan, Qalanjada ayaa caruurta la joogta oo ku dhex noolaata xaymaha kale. Halka Maroodiga Labkiisu isagu badanaa keligii nool yahay ama uu mar marka qaar la midoobo qaar kale oo iyana Lab ah. Qoys ahaan Maroodigu badanaa waxay ka kooban yihiin 10, balse waxa dhici karta mar marka qaar inay midoobaan laba qoys oo ay isku noqdaan todobaatan ay Qalanjo ( Maroodiga Dhegiisa ) hogaan u tahay.

•  Kala Duwanaasho Iyo Kala Geyi

Maroodiga Afrika wuxuu leeyahay laba nooc, midi waaka uugu balaca weynoo waxa la yidhaahdaa ( Loxodonta africana africana ) waxaanu dhex doogaa meelo kaymo leh balse u badan Doog ama cagaar.

Ka Kalena wuxuu ku nool yahay meelo kaymo waawayn leh sida Afrikada dhexe iyo Afrikada waqooyi .

• Faca Maroodiga
  
  Maroodigu wuxuu ku dhalaa mudoo 22 Bilood ah, waxay dhashu bilawdaa geedka inay cunto markay qiyaastii gaadho 6 ilaa 18 bilood, naaskana wuxuu sii jaqaa mudo ilaa 6 sanadood ah. Dhashu Maroodigu markay tahay Lab wuxuu hooyadii ka tagaa markuu qaan gaadh noqdo kuna biiraa Xayn kale oo Lab wada ah.
  Maroodigu wuxuu noolaan karaa 70 sanadood. Xagga dhalmada Qalanjadu badanaa waa inay ahataa  25 ilaa 45,  balse Labka 20 inuu ahaado ayaan ku filan.
  
  Haddaba si aad wax badan uuga sii ogaato khatarta ay ku sugan tahay abuurtaa Quruxda badani, halkan hoose daawo
  
  Soo diyaariye; ShawQi Mohamed
  https://www.youtube.com/watch?v=K8EVQdIUWBE